新屋無奈事

話說早兩日,我去我間新屋度諗住拜下四角,執頭執尾啦,咁又岩岩個指南針又袋住響身,就不如順個便再望多次係咪向東南都好! (2004年入伙的單住,如果大門向東南是丁財兩旺的)

於是我如仔細咁將個指南針擺好響地板,我自己就爬左響度校岩位為止! 一望........................西南????????????????

下!!!!!!!!!!!!!!!!!!!!西南??????????????心中大呼X街!!!! (唔好意思,因為都幾激動)
明明上次睇係東南喎....等我仲鬼咁開心搵到間好方向既屋,而家先發覺佢係向西南,仲要西南係損財傷丁喎!!

個人覺得好無奈,同埋有少少down.......咁點好丫? 都要住架喇....咪再睇下有冇得化解囉....唔通會有咩奇蹟出現咩? 怪就怪自己之前冇睇真D......

娘親在場,佢都唔敢出聲講D乜,就落左街話買野...

我心越諗越覺唔抵,點會咁失策架?? 唔信邪! 再望真D先! (雖然如果係事實既野,傷神都冇用)

然後再望, 東南???????????

下??? 個指南針雖然舊,但係D構造咁簡單既東東,唔係咁易壞呀????
真係東南喎!!!! 點解呢???

企左響度傻左陣,一望.........喔.............shit..............頭先爬響地板度,左手面幅牆對正個攝大門既攝石位,西南就係咁解!!
白痴到爆呀!!

後記:莫話迷信,風水還是有科學根據的,正所謂一命二運三風水,小妹因為舊屋風水勁差,五年來的家運一直下滑,母女二人財政跌入最新低點,真係唔講你唔信,因為舊屋正是灟財灟到喊的! 新屋風水不錯,不妨期待一下,看看是否能咸魚翻生? (笑)